Государственнай былаас уорганнара олохтоох бэйэни салайыныыларга көмөнү оҥороллоругар, республика салалтата ылыммыт быһаарыыларын ырытан тиэрдэллэригэр, сырдаталларыгар, олохтоохх көҕүлээһиннэри өйүүллэригэр анаан тэриллибитин туһуттан Егор Борисов эттэ.

«Бэрэстэбиитэллээх институт олоххо киирэрин ситиһэр соруктаахпын. Биһиги республикаҕа буола турар быһыы-майгы иһин эппиэтинэһи сүгэбит», - диэтэ кини.

Республика баһылыгын уонна бырабыыталыстыбатын дьаһалтатын олохтоох бэйэни салайыныы департаменын даннайынан сэлиэнньэлэргэ, нэһилиэктэргэ 410 киһи сыһыарыллыбыт. Итинтэн сорохторо миэстэтигэр ыытыллбыт үлэ туһунан иһитиннэриилэри оҥорботохтор. Баайга-дуолга, сир сыһыаннаһыыларыгар, предпринимательство дьыалаларын уонна туризмы сайыннарыы, архитектура уонна тутуу, сибээс министиэристибэлэрэ, сыана госкэмитиэтэ-РЭК нэһилиэктэри кытта көхтөөхтүк үлэлииллэрэ бэлиэтэннэ.