Сыана политикатыгар государственнай кэмитиэтин бэрэссэдээтэлэ Валентина Лемешева эппитинэн, энергия ресурсаларыгар сыана үрдээһинэ ырыынак сыанатыгар дьайбатын кэриэтэ. «Бородууксуйа бүтэһиктээх сыанатыгар атыылаһыллар сыана ордук дьайар. Ас-үөл ырыынага республика улуустарыгар үгүстэригэр толору. Онон, дьон хантан атыылаһары талар кыахтаахтар», - диэтэ кини.

Лемешева эппитинэн, Арктика оройуоннара республика салалтатын ураты болҕомтотун киинигэр тураллар.

«Бырабыыталыстыба хоту улуустарга сылын аайы тырааныспар ороскуотугар, бурдугу атыылаһарга субсидия оҥорор. Мокоруон, ынах, үүнээйи арыылара, саахар, куруппа, бурдук курдук социальнай суолталаах бородуукталарга навигация бүтүөр диэри бүгүҥҥү сыана уларыйбат», - диэтэ кини.