«Омук дойдуларыттан аһы-үөлү аҕалыы бобуллуутун туһунан иһитиннэрии киирээтин кытта өрөспүүбүлүкэ тас өттүттэн аҕалыллар ынах, сибиинньэ, көтөр эттэригэр, үүккэ сыана үрдүү сылдьыбыта», - диэн суруналыыстарга эттэ сыана государственнай кэмитиэтин салайааччытын солбуйааччы Галина Служаева.

Россия атын регионнарыгар эт, балык, сыыр сыаната эбиллибитин кини эбэн эттэ.
Атыы стационарнай кииннэригэр ынах этигэр алын сыана - 338 солк., оттон ырыынакка - 334 солк. Дьокуускайга – 342 уонна 350 солк. Помидорга, оҕурсууга, перецкэ сыана эбиллибитэ бэлиэтэнэр. Ыраанакка куруук буоларын курдук, оҕуруот аһын сыаната намтыыр.

Арктика уонна хоту улуустары аһынан-үөлүнэн хааччыйыы туспа кэспэтии. «Якутоптторг» табаар толору баар буоларын мэктиэлиир. Социальнай суолталаах ас тиийбэтэ уонна сыана үрдээһинэ диэн суох буолуоҕа. Сэтинньигэ, ахсынньыга саҥа табаар кэлэр кэмигэр ас сыаната 5-6% үрдүөн сөп», - диэтэ биэдэмистибэ салайааччыта Валентина Лемешева.

«Хоту сиргэ оуруот аһын сыаната буоларын курдук, 30-50% үрдүк. Тырааныспар ороскуотун тилэри толуйар кыахпыт суох, онон сыана эбиллэр», - диэтэ сыана государственнай кэмитиэтин салайааччыта Валентина Лемешева.

«Сыананы аһара үрдэппит буоллахтарына, дьон саҥата суох хаалыа суохтаах. Тута дьаһалтаҕа эбэтэр телефонунан суһаллык  биллэриэхтээх», - диэтэ кини.