«Таҥара үлэһитэ ыыппыт литургиятыгар Чурапчы сорох дьоно кытыннылар. Дьон ортотугар таҥара ырыатын толордулар», - диэн СИА-ҕа эттилэр Дьокуускайдааҕы епархиальнай управленияҕа.

Иеромонах Симеон  таҥара дьиэтин чөлүгэр түһэрии үлэтин билистэ, олохтоохтору кытта көрүстэ. Кини ый анараа өттүгэр храм куполын үрдүгэр кириэһи туруорбута.

Сэлиэнньэ олоҕор ураты суолталаах быһыыга-майгыга православнай итэҕэллээх дьон муһуннулар. Манна кини Преосвященнай владыка Роман  эҕэрдэтин тиэртэ.

Иеромонах Симеон мустубут дьоҥҥо таҥара дьиэтин сөргүтүү иһин махтанна.

Сэбиэскэй кэм саҕана храм норуот суута, ыскылаат, оҕо сада, прокуратура буолан турбута.