«Өрөспүүбүлүкэ салатата маннык уустук быһыыга-майгыга куруук эппиэтинэстээхтик сыһыаннаһар. Иэдээн буолбут сирин куруук болҕомтобут киинигэр тутабыт уонна мэлдьи көмөлөһөбүт», - диэтэ кини.

Егор Борисов өрөспүүбүлүкэ салалтатыгар толуйуу туһунан быһаарыы ылыллыбытын, куруук буоларын курдук, быйыл дьон иэдээнин кытта соҕотох хаалыа суоҕун бэлиэтээтэ: «Биһиги тустаах миэрэлэри ылынныбыт», - диэтэ кини.

Ойуур баһаара дьоҥҥо кутталы үөскэппэтин туһугар улахан үлэ ыытыллыбытын, илин эҥэргэ халаан уутуттан эмсэҕэлээбит дьоҥҥо көмөлөһөр туһуттан оччуттар мобильнай звенолара тэрилэн араас сиргэ оттуу ыытыллыбыттарын ыйда. «Кинилэр ханна оттууллара чопчу быһаарылынна. Оттон оту тиэйиигэ, аҕалыыга ороскуоту бэйэбитигэр ылыныахпыт», - диэтэ Егор Борисов.