Фестиваль кэмигэр Саха сирин артыыстара кыттыбыт киинэлэрин көрдөрүөхтэрэ.

Тэрээһин режиссер В.Туманев «Белый ягель» киинэттэн саҕаланар. Бу киинэ 36-с норуоттар икки ардыларынааҕы фестивальга дьон биһирэбилин ылбыта. Манна Саха уонна Олоҥхо театрдарын артыыстара Галина Тихонова, Ирина Михайлова, Матрена Корнилова, Ефим Степанов, Петр Баснаев сүрүн оруолларга оонньообуттара. Бырайыак уус-уран салайааччыта киинэ режиссера Владимир Меньшов.

«Фестивальга Россияттан, Канадаттан, Финляндияттан, Норвегияттан, Данияттан кыттыахтара», - диэтэ фестиваль куратора Сардаана Саввина.

Фестиваль кэмигэр лекциялары ааҕыахтара.

Маннык ааттарга бастыҥнары талыахтара:

Сүрүн куонкурус:

Бастыҥ киинэ иһин сүрүн бириис - «Золотые снежные очки»;

Режиссер бастыҥ үлэтигэр - «Серебряные снежные очки»;

Жюри быһаарыытынан икки тус сыаллаах бирииһи олохтуохтара.

Дьон биһирэбилин бирииһэ

2013 сыл атырдьах ыйыттан 2014 сыл атырдьах ыйыгар диэри прокатка тахсыбыт сахалыы киинэлэртэн бастыҥы ыйытык нөҥүө быһаарыахтара (ykt.ru саайтка):

«Сахалыы бастыҥ киинэҕэ - «Золотые снежные очки» бириэмийэ.

«Бастыҥ артыыстарга» - «Серебряные снежные очки» бириэмийэ.

Итилэри таһынан Россия кинематографистарын бочуоттаах чилиэнэ, П.А.Ойуунускай аатынан государственнай бириэмийэ лауреата  Иннокентий Аммосов аатынан бириис олохтонор.

СӨ кинематографистарын сойууһун быһаарыытынан - «Серебряные снежные очки» бириис.