«Ити уларыйыылар барыта бүтэһигэр атыылаһааччыга дьайар. Ол эрээри, үрдээһин оннук улахан буолуо суоҕа», - дииллэр билэр дьон.

ххх

 Интернет государственнай өҥө порталларын нөҥүө госпошлинаны төлөөһүн иһин чэпчэтии киириэҕэ диэх курдук санаа баара, ол эрээри ити билиҥҥитэ олоххо киирэ илик. Экспердэр этэллэринэн, чэпчэтии сотору кэминэн туһанныллар буолуоҕа.

 ххх

Балаҕан ыйыттан ыла дьон ылар кредитин бырыһыанын ыстаапкатын ааҕыы формулата судургу уонна өйдөнүмтүө буолуоҕа. Бу ыйтан ыла кредит дуогабарыгар уҥа үөһээҥҥи муннугар улахан буукубаларынан бырыһыан ыстаапката толору суруллуоҕа.

  ххх

Омук дойдуларыгар Россияттан тиийэр балык, муора бородууктатын, сибиинньэ, коза, о.д.а. курдук дьиэ кыылын этин сыаната чэпчиир. Ити пошлина аччааһыныттан тутулуктанар.

  ххх

Олорор дьиэни салайар команияларга экзаменнары ыытыахтара. Бастыҥ компаниялар эрэ дьиэни көрүү-истии эйгэтигэр үлэлииргэ көҥүлү ылыахтара. Итинник көҥүл суох буоллаҕына, ыам ыйын 1 күнүттэн ыла кинилэр үлэлэрин тохтотуохтара.