«Кырдьык, уочарат аһара улаханын билинэбит. Сыл аайы пенсионер ахсаана элбии, эбиллэ турар», – диэтэ Юрий Михайлов.

Кини эппитинэн, бүгүҥҥү туругунан Дьокуускайга 67 тыһ. пенсионер баар. Пенсионнай фонда управлениета сыл устатыгар 100 тыһ. тахса пенсионеры кытта үлэлиир.

Уочараты аччатарга туох оҥоһулларын туһунан ыйыталастыбыт.

«Пенсионнай аҕыс өҥөнө элбэх функцияны оҥорор киин хааччыйар. Бу манна оҥоһуллар өҥө ахсаана өссө элбииригэр үлэлэһиэхпит. Клиеннэри кытта үлэлиир сулууспабытыгар 25 специалист баарыттан бүгүн 21 үлэлиир. Ону таһынан киирбит докумуоннары электоннайга көһөрүү кырата суох үлэни толоробут», – диэтэ Юрий Михайлов.

Дьон пенсияҕа тахсыа икки сыл иннинэ докумуоннарын хомуйарга салайааччы сүбэлиир. Специалистарга эрдэттэн 34-24-36 суруйтарыахха сөп. Ону таһынан 34-31-21, 45-00-59 телефоннарынан сүбэ-ама ылыахха сөп.