«Нолуокка иэс орто кээмэйэ 290 тыһ.солк.», - диэтэ Светлана  Козырева.

Нолуок туһунан иһитиннэрии суругунан Кемерово куоратынан эргийэн почта отделениетыгар кэлэринэн, дьон иэһин билбэтэ иэс үөскээһинигэр сүрүн төрүөт буоларын кини ыйда.

«Холобур, Маҕан бөһүөлэгин олохтоохторо былырыын алтынньы 1 күнүгэр нолуогу 89 бырыһыан төлөөбүт эбит буоллахтарына, быйыл баара-суоҕа — 39%. Дьокуускайга эмиэ маныаха майгыныыр быһыы-майгы үөскээн турар», - диэтэ Козырева.

Баайга-дуолга, тырааныспарга уонна сиргэ нолуогу киһи болдьоммут кэмиттэн хойутаттаҕына, суут приставтара ирдэһэн ылаллар.

Нолуогу төлөөччүлэр бааннарга баар банкоматтарга "личный кабинет" нөҥүө иэстэрин төлүөхтэрин сөп.

Нолуок сокуонугар сурулларынан, пенсионердарга, I уонна II бөлөххө киирсэр инбэлииттэргэ чэпчэтиилэр бааллар. Чэпчэтиинэн туһанарга дьон ити туһунан сайаапканы киллэриэхтээх.