Спортивнай сыл түмүгүн таһаарар тэрээһиҥҥэ аан дойду, Европа, Россия, республика чемпионнарын, бастыҥ спортсменнарын чиэстиэхтэрэ.

Ахсынньы 18 күнүгэр физической культура уонна спорт эйгэтин үлэһиттэрин мунньахтара, семинар-практикумнара буолуохтара, ДЮСШ, РСДЮСШ директордара, министерство үлэһиттэрэ, улуустардааҕы спорт комплекстар салайааччылара кыттыылаах футболга табаарыстыы көрсүһүүлэр ыытыллыахтара.

Ахсынньы 19 күнүгэр СР Спордун министерствотын коллегиятын мунньаҕа буолуо. Оттон киэһэ «Триумф» спортивнай бэлэмнэнии киинигэр «Чемпионнар бааллара» ыытыллыаҕа. Онно «Урожай», «Сахаада-спорт» обществолар лауреаттара, үөрэнээччилэр, улахан дьон, инбэлиит спортсменнар ортолоругар уон чулуу спортсменнар, кинилэр тренердэрин ааттара ааттаныаҕа. Бу туһунан СР Спорт министерствотын пресс-киинэ иһитиннэрэр.