Билигин судьуйалар коллегияларын быһаараллар. Норуоттар икки ардыларынааҕы категориялаах, экстра-кылаастаах судьуйа  Солтан Засеевы чемпионат кылаабынай судьуйатынан аныыр туһунан быһаарыыны ыллылар.

Бу күннэргэFILA сертификациятын ааспыт көбүөрдэри Дьокуускайга аҕалыахтара. Чемпионат аан бастакытын көҥүл тустуу саҥа быраабылатынан ыытыллар. Онон күрэхтэһии иннинэ спортсменнарга анаан семинардары ыытыахтара.

Саха сирин сүүмэрдэммит хамаандатыгар сыһыаннаан М.Гуляев: «Күрэхтэһии саҕана биһиги спортсменнарбыт кыахтарын муҥутуур чыпчыылыгар диэри тиийиэхтээхтэр. Итинник соругу тренердэргэ туруорбуппут», - диэтэ. Итини таһынан чемпионакка бэлэмнэнии чэрчитинэн ыытыллар күрэхтэһиилэргэ кини сиһилии тохтоото.

Көҥүл тустууга Россия чемпионата Дьокуускайга «Триумф» спортивнай бэлэмнэнии киинигэр 2014 сыл бэс ыйын 19 -22 күннэригэр буолар.