Кулун тутар 6-8 күннэригэр ыытыллар Роман Дмитриев кэриэһигэр норуоттар икки ардыларынааҕы күрэхтэһиигэ эдэр бөҕөстөр бастакы тургутууну ааһыахтара.

Кэлэр ыйга федеральнай уокуруктар эдэрдэргэ күрэхтэһиилэрэ буолар. Уһук Илиҥҥи регион бөҕөстөрө олунньу 16-18 күннэригэр Хабаровскайга мустан күүстэрин холоһуохтара. Онно соргулаахтык тустубуттар кулун тутар 26-30 күннэригэр Улан-Удэҕэ ыытыллар Россияҕа бастыыр иһин күрэхтэһиигэ кыттар быраабы ылыахтара.

«Ол түмүгүнэн чулууттан чулуулар дойду сүүмэрдэммит хамаандатыгар талыллыахтара, - диэтэ Петр Юмшанов. - Кинилэр бэс ыйын 23-28 күннэригэр Стамбулга буолар Европа, атырдьах ыйын 11-16 күннэригэр Бразилия Ресифи куоратыгар аан дойду чемпионаттарыгар дойдубут чиэһин көмүскүөхтэрэ».