С.А.Зверев-Кыыл Уола төрөөбүтэ 115 сылын көрсө ыытыллар тэрээһиннэр чэрчилэринэн ыытыллар күөн-күрэс сыалынан-соругунан оҕо «чөмчүүк» сааһыттан төрөөбүт норуотун ырыатын-тойугун сэҥээрэрин, толорорго холонуутун ситиһии уонна төрүт үгэһи, ырыаны-тойугу билиһиннэрии буолар.
Фестиваль-күөн-күрэскэ оскуолаҕа киириэн иннинээҕи саастаах уонна оскуолаҕа үөрэнэр оҕолор кыттыыны ылыахтара. Толорооччу айымньытын төрүт инструменнарынан, фонограмманан доҕуһуоллатара көҥүллэнэр. Фестиваль кэмигэр, олунньу 28 күнүгэр, күнүс 3 чаастан, саха фольклорун үйэтитээччи, тэнитээччи Л.М.Егорова маастар кылаас ыытыаҕа.
Сайаапканы олунньу 25 күнүгэр диэри маннык аадырыска туталлар: Поярков уул., 4 (219 каб). Билсэр тел.: Адамова С.С.-8914-2-717-464; Сысолятина З.Г.-8914-2-701-436; Федорова Г.Г.-8914-2-771-479.
Комментарии
Авторизация на сайте через социальные сети