Оҕо саадын иитиллээччилэригэр «Колобок» остуоруйа көрдөрүлүннэ,таабырын таайтарылынна, аахпыт-истибит остуоруйаларын геройдарыгар ырытыы оҥоһулунна. Кырачааннар народнай суруйааччы Иван Мигалкин «Ийэ уонна Алаа Моҕус» остуоруйатын иһиттилэр. Улуу Кыайыы үбүлүөйүгэр, Литература сылыгар аналлаах хоһоон күрэһэ, викторина ыытылыннылар, кинигэ быыстапката аһылынна. Сэрии, тыыл үлэ ветераннарын, сэрии ыар, алдьархайдаах сылларыгар салайааччыларынан үлэлээбит ветераннар тустарынан өйдөбүнньүк ахтыы оҥоһулунна, хаартыскаҕа түһүү буолла.
Хоһоон күрэһэр бастакы миэстэни 3 кылаас үөрэнээччитэ Сардана Аммосова ылан грамотанан, наушнигынан наҕараадаланна. Иккис миэстэни ылбыт 2 кылаас үөрэнээччитэ Владиана Алексеева грамотанан, кинигэнэн, үһүс миэстэлээх оҕо саадын иитиллээччитэ Таня Охлопкова махтал суругунан, сурунаалынан наҕараадаланнылар. Биһирэбил бирииһинэн эмиэ детсад иитиллээччитэ Илона Иванова бэлиэтэннэ.
Викторина кыайыылааҕынан 5 кылаас үөрэнээччитэ Ньургун Алексеев таҕыста. Кини грамотанан, наушнигынан наҕараадаланна. Улуу Кыайыыны уһансыбыт сэрии ветерана С.В.Габышев, тыыл ветерана В.Д.Поротова, сэрии ветерана Ф.И.Васильев, гражданскай сэрии кыттыылааҕа П.Н.Васильев, тыыл ветерана М.Г.Васильев, тыыл ветерана П.П.Новоприезжай тустарынан өйдөбүнньүк планшеттары, буклеттары нэһилиэнньэ сэргии көрдө. Чугас дьоннорун сырдык ааттарын үйэтиппит Тумул олохтоохторо кинигэлэринэн наҕараадаланнылар.
Библиотека тэрээһиннэригэр мэлдьи көхтөөхтүк кыттар учууталларга Т.П.Находкинаҕа, Р.Е.Софроноваҕа, Л.А.Алексееваҕа Литература сылынан кинигэ бэлэх туттарылынна.
Комментарии
Авторизация на сайте через социальные сети