Дьокуускай куорат мээрэ  Айсен Николаев күрэхтэһии суолтатыгар мустубут дьон болҕомтотун тарта. «Быйыл биһиги куораппытыгар тустууга дойду улахан чемпионата ыытыллар. Турнир — ити күрэхтэһиигэ бэлэмнэнии», - диэтэ кини. Күрэхтэһии кылаабынай судьуйата Аркадий Тастыгин  уонна Молдавия сүүмэрдэммит хамаандатын ыстаарсай тренерэ  Анатолий Гуйдя спортсменнары алҕаатылар.

Турнирга Монголияттан, Киргизияттан, Казахстантан, Таджикистантан, Белоруссияттан, барыта 89 спортсмен кыттар. Күрэхтэһии ФИЛА быраабылатынан 57-тэн 61-гэ кг. диэри, 65 кг диэри, 70 кг. дылы, 86 кг. диэри, 97 кг. уонна 125 кг. диэри ыйааһыннарга араарыллар.

«Триумфка» 15:00 чааска финалга күөн көрсүһүү саҕаланна. Бу кэнниттэн турнир кыайыылаахтарын наҕараадалыахтара.