Республика Общественнай палаататын бэрэссэдээтэлин солбуйааччы Марина Богословская этэринэн, Общественнай палаата көҕүлээһининэн уонна республика президенин өйөөһүнүнэн ыытыллыбыт телерадиомарафоҥҥа хас да тыһыынча киһи кытынна. "Киирбит үп регистрацията суох эбэтэр докумуоннарын сыыһа толорон, комиссия туппатах буолан, государство көмөтө суох хаалбыт халаантан эмсэҕэлээбиттэргэ ыытыллыа. Оннук дьон элбэхтэр. Ол иһин бырааһынньыгы дьиҥнээх дьыалаларынан бэлиэтээри, харчы хомуйуутун чопчу норуот сомоҕолоһуутун Күнүгэр түбэһиннэрбиппит", - диэн бэлиэтээтэ кини.

Хомуллубут үп бүтэһиктээх сууммата сэтинньи 10 күнүгэр биллиэҕэ. "Төһө да өрөбүл күнүн иһин, телерадиомарафоҥҥа бизнес тэрилтэлэр, студеннар, оскуола үөрэнээччилэрэ, банкирдар, сулууспалаахтар көхтөөх кыттыыны ыллылар. Телестудияҕа сатаан кэлбэтэхтэр кылгас нүөмэргэ смс ыыппыттара", - диэн быһаарда Марина Богословская.

"Харчы-үп барыта эмсэҕэлээбиттэр счеттарыгар ыытыллыаҕа. Итини республика Общественнай палаатата уонна миэстэтигэр баар общественнай сэбиэттэр кэтээн көрүөхтэрэ", - диэтэ Богословская.

Республикаҕа халаантан барыта 6,5 тыһ тахса киһи эмсэҕэлээбитэ, ол иһигэр 1,5 тыһ тахса оҕо.