Силиэстийэ иннинээҕи бэрэбиэркэ кэнниттэн, эр киһи соруйан ыппытын туһунан чахчылар билиннилэр.

Быһаарыллыбытынан, 62 саастаах пенсионер итирик туруктаах уола ыытан иһэр массыынатын кэлин олоҕор олорсон иһэн, икки ытыыны оҥорбут, олортон биирэ иннигэр олорсон иһэр кэргэнин кэтэҕэр түспүт.

Быһылаан буолбут сирин көрүүгэ «ТОЗ-78-01» карабины, буулдьалардаах хоруопканы, ону таһынан икки ытыллыбыт гильзаны буллулар. Карабины сыныйан көрүүгэ саа уоһун иһигэр биир хомуллан хаалбыт ботуруон көһүннэ. Билиҥҥи кэмҥэ бастакы буулдьа ханна түспүтүн булаары массыына иһин көрө сылдьаллар.

Онон сибээстээн, СР СУ оройуоннар икки ардыларынааҕы салаата өлбүт дьахтар кэргэнигэр өлөрүү иһин холуобунай дьыала тэрийдэ.

Сэтинньи 11 күнүгэр уорбаланааччы хаайыыга угулунна. Силиэстийэ салҕанар, диэн республика Силиэстийэлиир кэмитиэтэ иһитиннэрэр.