Маннык тэрилтэлэр дьон ипотека, массыына иһин уонна көннөрү наадыйыыга туттуллубут, 2008 сылтан ыла бэттэх ылыллыбыт кредит хамыыһыйатын төннөрөбүт дииллэр. Кредит бу кэм-кэрдии иһигэр сабыллыбыт эбэтэр өссө да бүтэ илик буолуон сөп.

"Маннык тэрилтэлэр ахсааннара элбии турар. Бааҥҥа төлөммөккө хаалбыт иэс балысханнык үрдүүр. Онон, көмөлөһүөх буолан эрэннэрэр тэрилтэлэр өҥөлөрө дьон ортотугар улахан наадыйыыны үөскэтэр», - диир «РГБ» президенэСтанислав Клейменов. 

Итилэр ортолоругар дьиҥнээхтик көмөлөһөр антиколлектордар эмиэ көстөн ааһаллар. Биир үксүн кинилэр юрист идэлээх буолаллар, иэһи чопчутук уонна чуолкайдык ааҕан, иэс кээмэйин аччатыахтарын сөбүн туһунан кини бэлиэтиир.

Национальнай юридическай сулууспа юриһа  Александр Кожевников этэринэн, «антиколлектордар» үлэлэрин Роспотребнадзор федеральнай сулууспата хонтуруоллуон сөп.

Ол эрээри, "Олевинский, Буюкян и партнеры" быраап бюротун салайааччыта Эдуард Олевинскай сыаналыырынан, «антиколлектордары» ким да хонтуруоллуур кыаҕа суох."Юридическай өҥөнү лицензиялыыртан Россия өссө 20 сыл анаараа өттүгэр аккаастаммыта. Роскомнадзор эрэ бэрэбиэркэлиир кыахтаах», - диир.

Александр Кожевников «Кредит комиссиятын төннөрүөх буолан эрэннэрэр компанияны кытта дуогабары түһэрсиэх иннинэ дуогабар кээмэйигэр болҕомтону уурууҥ. Бу докумуон аһара кылгас, тута өйдөммөт уонна терминнэринэн суруллубут буоллаҕына, илии баттыыртан аккаастаныҥ. Чиэһинэйэ суох тэрилтэлэр ылбыт үптэриттэн-харчыларыттан ордугу төлүүр санаалара суох», - диир.

Бааннар билигин докумуоннарын саҥа сокуоҥҥа сөп түбэһиннэрэр быыһык кэмнэрэ кэлэн турар. Манна сыыһа-халты, алҕас тахсыан сөп. Бу кэмҥэ «Антиколлектордар» үбү-харчыны балысханнык баһан ыларга дьулуһаллар.

Барыстаах инвестициялааһыны эрэннэрэр фирмалар үлэлэрэ өрө тахсыбытын Александр Кожевников этэр. Кредиттээх киһиэхэ дуогабарга илии баттыырыгар этэллэр. Ити дуогабар быһыытынан киһи бааҥҥа иэһэ бүүс-бүтүннүүтэ фирмаҕа сүктэриллэр. Оттон киһи иэс 15-90% кассаҕа төлүөхтээҕин туһунан этэллэр.  "Бу көстөн турар түөкүннээһин. Тоҕо диэтэххэ, сокуон быһыытынан (Гражданскай кодекс 313 ыст. 1 чааһа) иэһи үһүс сирэйгэ сүктэриитин кредити биэрбит өрүт ылыныахтаах. Фирма дуогабардаспыт киһи иэһин ханнык эмэ кэмҥэ төлөөбүтэ буолуон сөп. Ол эрээри, иэс барыта киһиэхэ бэйэтин эппиэтинэһигэр киирэр. Онон киһи син биир төлүүрүгэр тиийэр. Дьыала суукка тиийдэҕинэ, суут баан диэки буолар.

«Софинансирование» диэн термини түөкүттэр үгүстүк туһаналлар. Кинилэр харчыны таах бэлэхтиир курдук этиилэригэр киирэн биэримэҥ.