Бастакы талар турга 9 паара киирбиттэрэ. Конкурс финалистара үс үгэс буолбут номинацияларынан тылыллыбыттара: «Уруу бастыҥ хаартыската», «Бастыҥ видео» и «Маҥнайгы үҥкүү». Конкурс кыттыылаахтарын репетициялара саҕаланна.

Үгэс быһыытынан Бал эдэр кэргэнниилэр сомоҕо үҥкүүлэринэн арыллыаҕа, быйыл менуэт өрүттэрдээх падеграз буолуоҕа. Дьарыгы хореограф СР культуратын туйгуна Ульяна Юрьевна Протопопова ыытар.

Кэлэр турга пааралар дьиэтээҕи сорудахтары толоруохтаахтар: бастакы сорудах – "Эдэр ыал экология харыстабылыгар" социальнай ролик бэлэмниэхтээх. Иккис сорудах – "Дьиэ кэргэн бырааһынньыга" айар конкурс. Сэрэбиэй быһыытынан кыттааччы паалар араас бырааһынньыктары тылбыттара, холобур, Дьиэ кэргэн Күнэ, Ийэ Күнэ уонна да атыттары. 2 мүнүүтэ иһигэр эдэр ыаллар бырааһынньыктааҕы киэһэ көрөөччүлэригэр уонна ыалдьыттарыгар инсценировка оонньоон көрдөрүөхтэрэ. Үһүс конкурс, үгэс быһыытынан, кыттааччы паараларга соһуччу буолуоҕа.

Конкурс түмүгүнэн дьүүлүүр сүбэ биир эдэр паараны талыаҕа. Сүрүн бириис – «Хикари» фирматтан аан дойду биир сиригэр икки туристыыр путевка.

«Пара года-2013» аатын ылар уонна кубок иһин 9 эдэр ыал күрэхтэһиэхтэрэ: Александр уонна Ирина Марусенко, Василий уонна Саргылаана Демьяновтар, Юрий, Светлана Лукьяненко, Евгений, Татьяна Кривошапкиннар, Анатолий, Анастасия Реевтэр, Максим, Алёна Павловтар, Илья, Наталья Алексеевтар, Эльдар, Инга Ившиннар, Денис, Анастасия Аргуновтар.