Саха сирин Суруналыыстарын союһун бэрэссэдээтэлэ Галина Бочкарева СИА-ҕа иһитиннэрбитинэн, форум бырагыраамата олус киэҥ.

«Тэрээһин аһыллыыта ХИФУ «Сэргэлээх уоттара» Культурнай киинигэр буолуоҕа. Россия бастыҥ суруналыыстара Всеволод Пуля, Александр Макунин уо.д.а. маастар-кылаастары ыытыахтара. Бырабыыталыстыба 2 №-дээх дьиэтигэр биллиилээх фотограф Мичил Яковлев хаартыскаҕа түһэрии кистэлэҥнэрин кытта билиһиннэриэ», – диэтэ кини.

Саха сирин Суруналыыстарын союһун бэрэссэдээтэлэ маннык тэрээһин суруналыыстар идэлэрин таһымын үрдэтэр туһуттан ыытылларын бэлиэтээтэ.

«Бу үөрэх бырагыраамата. Маннык тэрээһиннэргэ соҕуруу барыы-кэлии элбэх үбү эрэйэр. Онон сыллата биллиилээх суруналыыстары бэйэбитигэр ыҥырабыт», - диэн эттэ Галина Бочкарева.