Телевизионнай бырагыраамаҕа «Кино Арктики» норуоттар икки ардыларынааҕы II-с киинэ фестивалын дневнигэ, Саха сирин культурнай олоҕо, Саха сирин кинематограва көстүөҕэ.

Кыраайы үөрэтээччи, кинорежиссер Прокопий Ноговицын сүрүн миэстэни ылыаҕа. Алексей Балабанов «Река» киинэтэ, Туйаара Свинобоевакөстөн ааһыахтара. Бу артыыс киинэ устуутугар сылдьан тыына быстыбытын үгүспүт билэр. Кини туһунан ийэтэ Марина Мироновна, бииргэ төрөөбүтэ Мэҥэ-Хаҥалас улууһун Томтор сэлиэнньэтин баһылыга Мирон Свинобоевкэпсиэхтэрэ.

Еланкаҕа олоро сылдьыбыт дьаамсыктар олохторо, Өлүөнэ очуостара болҕомтону тардар.

Бырагыраама ааптара уонна режиссера Тамара Родионова, оператор Матвей Федоров, монтаж режиссера Андрей Урманчеев, көмөлөһөөччү-режиссер Зарина Тотоева, видеоинженер Сергей Абрамов уо.д.а.