«Строганина-2014» куонкуруска киин куорат общественнай тэрилтэлэрин, административнай уокуруктарын уонна хотугу улуустар хамаандалара тоҥ балыгы түргэнник, хаачыстыбалаахтык астааһыҥҥа куоталаһыахтара. Кыайыылаахтар үс номинациянан быһаарыллыахтара: «Дьиэтээҕи үлэ», «Тоҥ балыгы түргэнник кыһааһын» уонна «Тоҥ балыгы хаачыстыбалаахтык кыһааһын».

«Чемпион — Царь-рыба» куонкуруска ким баҕалаах барыта кыттар. Кыайыылаахтар балык көрүҥнэринэн быһаарыллыахтара.

Куонкурус бастыҥнара дипломнарынан, сыаналаах бириистэринэн биһирэниэхтэрэ. Кыттааччыларга барыларыгар сертификат туттарыллыа.

Кыттыан баҕалаахтар сайаапкаҕытын Дьокуускай куорат дьаһалтатыгар (Ленин проспега, 15) 213, 521 кабинеттарга кэлэн тиксэриэххитин сөп. Сиһилии 42-06-22, 42-42-75 (тыа хаһаайыстыбатын управлениета), 42-13-71 (культура управлениета) телефоннарынан билсиҥ.