Улуус дьаһалтатыгар СИА корреспонденыгар эппиттэринэн, куораттан кэлбит психологтар Сутуруоха, Белай Гора оскуолаларыгар үөрэнээччилэри, төрөппүттэри кытта идэҕэ туһаайар үлэни ыыттылар. Салгыы олох уустук балаһыанньатыгар түбэспит ыаллары, ыарахан иитиилээх обургу оҕолору кытта үлэлэһэллэрэ былааннанар.

«Маны тэҥэ ыалдьыттарбыт психолог-учууталларга, социальнай педагогтарга, дириэктэрдэри иитэр үлэҕэ солбуйааччыларга эбии үөрэхтээһиҥҥэ курстары ыытыахтара. Уонна ыччаты уонна дьиэ кэргэни социальнай-психологическай өттүнэн өйөөһүн киинин филиалын сэбиэдиссэйин, психолог-педагог, социальнай педагог дуоһунастарыгар үлэлиэн баҕалаахтары кытта көрсөн кэпсэтиэхтэрэ», - диэн улуус дьаһалтатыгар иһитиннэрдилэр.