- Биллиилээх поэтСтепан Тимофеев-Кустуктаанап, мелодист Семен Никифоров о.д.а.манна төрөөбүттэринэн олохтоохтор киэн туттуохтарын тутталлар.Бу нэһилиэккэ уруккуттан бэртээхэй киэһэлэр, билиини-көрүүнү тургутар куонкурустар, о.д.а. араас тэрээһиннэр куруутун көхтөөхтүк, сэргэхтик тэриллэн ыытыллаллар. Онон күүтүүлээх Киин аһыллыыта, кинилэр сүргэлэрин улаханнык көтөхтө. Олохтоохтору умнуллубат бэлиэ күнүнэн улуус дьаһалтатын баһылыгын солбуйааччы Владимир Спиридонов, нэһилиэк баһылыга Афанасий Баишев, улуустааҕы культура управлениетын начальнига Тамара Кесарева,о.д.а. эҕэрдэлээтилэр. Киэһэтин олохтоохтор күүстэринэн туруоруллубут истиҥ концерт буолла. Онно биир дойдулаахтара, саха эстрадатын чаҕылхай ырыаһыта ОльгаСпиридонова-Ника кыттыспыта көрөөччүлэри өссө улаханнык үөртэ, – диэн кэпсээтэ улуус дьаһалтатын үлэһитэ Айталина Санникова.

Нэһилиэк олохтоохторо киэҥ-куоҥ дьиэлэригэр дуоһуйа сынньаннылар итиэннэ кэлэр өттүгэр манна бэртээхэй тэрээһиннэр буолуохтарыгар эрэнэллэрин эттилэр.