- Төһө да сааһырдар, хоп курдук, дьүһүн-сэбэрэ мааны кырдьаҕаһа аҕыйах хонуктааҕыта төрөөбүт-үөскээбит тапталлаах Харатын нэһилиэгэр тахсан, дойдутун дьонун-сэргэтин көрсөн, дууһалыын сынньанан, кини үбүлүөйдээх түгэнигэр ананан "Айыллаан" Культура, сынньалаҥ киинигэр буолбут тэрээһиҥҥэ сырытта. Кинини кытта бастайааннай бэрэстэбиитилэстибэ билиҥҥи салайаааччыта, Иннокентий Гавриловичтыын 40-ча сыл бииргэ үлэлээбит көмөлөһөөччүтэ, коллегата Александр Шубин кэлсибит.
- - Төрөөбүт улууһум сайдан иһэриттэн үөрдүм, астынным, - диэтэ Иннокентий Гаврилович. - Аллараа Бэстээх тимир суол станциятыгар сылдьан, хайдах эрэ, урукку салайааччылар ыра санаабыт, баҕарбыт баҕабыт туолбутун курдук санаатым. Харам нэһилиэгэ эмиэ үүнэ-сайда турар, улааппыт, кэҥээбит да эбит. Майаҕа эмиэ тутуу бөҕөтө барбыт. 85 саас диэн дьоһун саас буоллаҕа, ол эрээри, төрөөбүт сирбэр-уоппар кэлэн өссө да олоро түһэргэ эбии эрчим ылбыт курдук буоллум, онон, олоҕум уһуура буолуо диэн эрэнэбин. Оҕо сылдьан, тамыйах эккирэтэн атах сыгынньах сүүрбүт алааспын көрдүм. Быйыл дьыл биһиги дьиэ кэргэммитигэр, уопсайынан, бэлиэ сыл – кэргэним Нина Николаевналыын олорбуппут 55 сыла туолан, "изумруд сыбаайба" тэрийбиппит. Хос сиэннэр диэн дьоннор бааллар. Манна, Дьокуускайга ырыалаах-тойуктаах Айхал диэн киһилээхпин, антах Москваҕа "эһэм!" диэн эккирии сылдьар Машенька диэн хос сиэннээхпин. Бу тэрээһин иһин Хара нэһилиэгин баһылыгар Дария Ивановнаҕа, улуус салалтатыгар барҕа махталбын этэбин.
- "Айыллааҥҥа" биллиилээх государственнай деятельбитин, республика сайдыытыгар сүҥкэн кылаатын киллэрсибит, үтүөлээх-өҥөлөөх салайааччыга элбэх махтал, эҕэрдэ тыллара этилиннилэр, улуус уонна Хара нэһилиэгин культуратын эйгэтин айар талааннаах дьоно - ырыаһыттар, үҥкүүһүттэр эҕэрдэ концерт көрдөрдүлэр. Иннокентий Гавриловиһы нэһилиэк баһылыга Дария Назарова, улуус баһылыгын бастакы солбуйааччы Семен Потапов, СР норуотун хаһаайыстыбатын үтүөлээх үлэһитэ, Ытык Сүбэтин бэрэссэдээтэлэ Люлия Григорьева, улуус, нэһилиэк Бочуоттаах гражданнара - Хара нэһилиэгин ветераннарын сэбиэтин бэрэссэдээтээлэ, Саха АССР үтүөлээх ыанньыксыта Клавдия Исакова, ССРС доруобуйа харыстабылыгар туйгуна Александра Корнилова, "Мэҥэ аат" бэлиэ кавалера, республика биир бастыҥ ыанньыксыта Елена Афанасьева, Саха АССР тыа хаһаайыстыбатыгар үтүөлээх үлэһитэ, үтүөлээх механизатора Павел Дмитриев - Бачыым Байбал, тыыл, үлэ ветерана Марина Кириллина, СР ыччаты кытта үлэҕэ туйгуна Ольга Габышева, СР норуотун үөрэҕириитин туйгуна. республикабыт бастакы Президенэ Михаил Николаев көмөлөһөөччүтэ Матвей Мучин, ССРС үтүөлээх мезанизатора, Мэҥэ-Хаҥалас, Уус-Алдан улуустарын бочуоттаах гражданина Игорь Гаврильев, СР тутууга бочуоттаах үлэһитэ Антонина Окоемова, нэһилиэктэр баһылыктара, урпавлениелар салайааччылара, общественнйа холбоһуктар бэрэстэбиитэллэрэ итии-истиҥ тылларынан эҕэрдэлээтилэр, нэһилиэктэр историяларын, үтүө-мааны үлэһит, ол иһигэр, биллиилээх салайааччылар буола үүммүт, дьоннорун сырдатар кинигэлэри, сэмэй бэлэхтэри бэлэхтээтилэр. Иннокентий Гавриловичка "Манчаары дойдута - мин дойдум" бэлиэни үөрүүлээх быһыыга-майгыга туттардылар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети