«Нам улууһа» МТ баһылыга Александр Атласов, СР юстициятын государственнай комитетын председателэ Сардаана Гурьева, олохтоох бэйэни салайыныы департаменын старшай референэ Иосиф Мискяев, Нам улууһун бэтэрээннэрин сэбиэтин председателэ Софья Дмитриевна, улуус депутаттарын Сэбиэтин председателин солбуйааччы Евдокия Николаева уоттаах сэрии сылларыгар Улуу Кыайыыны уһансыбыт дьоммутугар барҕа махталларын тиэрдэн, баҕа санааларын этэн туран өйдөбүнньүк бэлиэлэри, мэтээллэри туттартаатылар.

Үөрүүлээх тэрээһин кэнниттэн «Нам улууһа сэрии сылларыгар» диэн киинэни бэтэрээннэр долгуйа, уйадыйа көрдүлэр. Тэрээһини И.Е. Винокуров аатынан педколледж устудьуоннара уонна Хатыҥ Арыы орто оскуолатын үөрэнээччилэрэ киэргэтэн, ситэрэн-хоторон биэрдилэр.