Ол курдук, музей тэриллиэҕиттэн ыытыллыбыт үлэни ахтан-санаан аастылар, кэлэктиипкэ элбэх махтал тыллары анаатылар. Улуус дьаһалтатыттан Анна Туманова музей бастакы хардыыларын кэпсээтэ, бүгүн музей үлэтигэр улахан болҕомто ууруллар буолбутун бэлиэтээтэ. Ыалдьыттар улуустааҕы музей үлэтин сэргииллэрин, оройуон историятын үйэтитиигэ суолталаах үлэ ыытылларын эттилэр, ситиһиини, саҥа сүүрээннэри баҕардылар.

Салгыы, Октябрьскай нэһилиэк музейа таһаартарбыт «Кэнчээри кэскилин туһугар» диэн кинигэтин сүрэхтэниитэ буолла.

Бу Улуу Кыайыы 70 сылыгар анаммыт тэрээһин, биллэн турар, кэнчээри ыччакка туһуланна. Уһуйаан иитиллээччилэрэ, оскуола үөрэнээччилэрэ Кыайыы кынаттаах ырыалары ыллаатылар, хоһооннору аахтылар. Брейн-ринг, караоке күрэһэ ыытылынна. Полевой кухня үлэлээтэ.

Ксенофонт Уткин аатынан норуоттар доҕордоһууларын музейа УлууКыайыы 70 сылыгар анаммыт үлэтэ манан түмүктэммэт. Музей коллектива «Ньурба сэрии сылларыгар» диэн кинигэни бэчээккэ бэлэмниир.