„Айылгы“ Култуура уонна духуобунай сайдыы киинигэр эбээлэрбит, эһээлэрбит, эдьиийдэрбит, убайдарбыт, ийэлэрбит, аҕаларбыт барахсаттар Аҕа дойду Улуу сэриитигэр кыттыыларын, тыылга үлэлэрин, дойдуну чөлүгэр түһэриигэ, сайыннарыыга бэйэни харыстаммат үлэлэрин туоһутунан буолбут уордьаннарын, мэтээллэрин, араас бэлиэлэрин түөстэригэр анньынан, эйэҕэс мичээр кэһиилээх киэҥ уораҕайы тобус-толору мустубуттара кинилэринэн киэн туттууну үөскэттэ.

Слет бочуоттаах президиумугар улуус баһылыга А.Т. Ноговицын, улуус депутаттарын Сэбиэтин председателэ Я.П. Оконешников, Аҕа дойду Улуу сэриитин кыттыылааҕа Н.Н. Филиппов, РФКП Чурапчытааҕы райкомун бастакы сэкирэтээрэ С.И. Никитин, тыыл, үлэ бэтэрээнэ А.Е. Макаров ыҥырыллан олордулар.

Бу үөрүүлээх күн улуус баһылыга А.Т. Ноговицын Саха Республикатын Ил Дарханын ыйааҕынан „Улуу Кыайыы 70 сыла“ мэтээллэри Н.Н. Филипповка, З.И. Красильниковаҕа, А.Д. Дорофеевка, Н.Е. Захаровка, Н.Е. Яковлевка туттарда. Чурапчы улууһун „Улуус сайдыытыгар үтүөлэрин иһин“ 3-с степеннээх түөскэ анньыллар бэлиэнэн В.Д. Слепцов, М.К. Варламова, Н.Н. Местников, С.С. Сысолятин, С.Н. Картузов, М.Ф. Попова, Е.П. Толстоухова, С.И. Петров, А.Е. Макаров, Н.Н. Пермяков, С.Е. Сивцев, А.П. Климова, Е.М. Ефремова, М.И. Петрова, А.Д. Аммосов, Н.К. Аржаков, В.Н. Давыдова, П.П. Кирсанов наҕараадаланнылар.

Чурапчы нэһилиэгин баһылыга, „Биир ньыгыл Россия“ политическай партия Чурапчытааҕы салаатын салайааччыта С. А. Саргыдаев эҕэрдэ тыл эттэ.

Россия Коммунистическай партиятын Чурапчытааҕы салаатын райкомун бастакы сэкирэтээрэ С.И. Никитин РФКП Киин кэмитиэтэ олохтообут „Сэрии сылын оҕото“ мэтээллэрин А.С.Дыдаеваҕа, В.П. Михайловка, А.Е. Степановаҕа, Е.Е. Поповка, М.Т. Местниковаҕа, С.И. Монастыревка туттартаата.

Күнүстэн киэһэ үөрүүлээх дьаһаллар салгыы ыытылыннылар.