Бастакы күн алын сүһүөх кылаастар куоталастылар. Манна бастакы миэстэни — 3 «а» (кылаас салайааччыта Сивцева Н.Н.), иккис миэстэни — 2 «б» (Рожина М.Д.), 3 «б» (Прокопьева С.И.), үһүс миэстэни — 4 кыл. (Федорова Н.П.), 2 «а» кылаас (Посельская Т.Н.) ыланнар грамотанан уонна кубогынан наҕараадаланнылар.

Иккис күн орто уонна үрдүкү кылаастар хаамтылар. Дьүүллүүр сүбэ көрүүтүнэн 5-6 кылаастар ортолоругар абсолютнай кыайыылааҕынан 5 «в» ( Кривошапкина Е.И.), бастакы миэстэни - 6 «г» (Матвеева Е.Н.), иккис миэстэни - 6 «а» (Шелковникова М.В.), 6 «б» (Иванова У.М.), үһүс миэстэни - 6 «в» (Говорова М.Н.), 5 «б» (Исакова Т.Г.), 5 «а» (Архипова Е.Е.); 7-8 кылаастарга бастакы миэстэни - 8 «а» (Колодезникова В.М.), иккис миэстэни - 7 «в» (Сивцева А.И.), 7 «а» (Обутова С.И.), үһүс миэстэни - 8 «б» (Полякова И.А.), 7 «б» (Калининская Д.Р.) уонна 10 «а» (Максимова В.И.) бастакы миэстэни, 10 «б» (кыл. сал. Софронов А.И.) Iиккис миэстэни ыланнар грамотанан уонна кубогынан бэлиэтэннилэр.

Дьүүллүүр сүбэҕэ оскуола дириэктэрэ Екатерина Габышева, «Ленскэй нэһилиэк» МТ депутаттарын сэбиэтин председателэ Касьян Олесов, баһаарынай чаас начальнига Иван Винокуров, полиция подполковнига Михаил Аммосов, оскуола выпускнига, Россиятааҕы ыксаллаах быһыы-майгы Ураллааҕы баһаары утары сулууспа институтун студена Надежда Ядрихинская, аҕалар сэбиэттэрин чилиэнэ Семен Аргунов уонна оскуола 11 кылааһын үөрэнээччитэ, 2 сыл чемпион хамаанда хамандыыра Михаил Колесов, парады салайааччынан отставкаҕа олорор полиция майора, аҕалар сэбиэттэрин председателэ Дмитрий Зырянов үлэлээннэр сөптөөх сыанабыллар таҕыстылар.

Маннык тэрээһини оскуолаҕа ыытыы үөрэнээччилэри патриотическай тыыҥҥа иитиигэ, олоххо бары өттүнэн бэлэмнээх буолан тахсалларыгар, Ийэ дойдуга бэриниилээх буолууга улахан суолталаах.