Оҕолору тыыл ветераннара Павел Дмитриев ‒ Бачыым Байбал, Ленин уордьанын кавалера Власий Никаноров, ветераннар улуустааҕы сэбиэттэрин бэрэссэдээтэлэ Маргарита Максимова, үөрэх управлениетын начальнигын солбуйааччы Николай Тарасов, «Майа сэлиэнньэтэ» МТ баһылыгын солбуйааччы Ким Нестеров айхаллыы көрүстүлэр.

Оскуолалар бэрэстэбиитэллэрэ Ф.К.Попов пааматынньыга туруоруллуохтаах миэстэтигэр венок уурдулар, үөрэх управлениетын аатыттан сүүрүүгэ кыттыбыт хас биирдии үөрэнээччигэ уонна салайааччыларга сертификаттары туттардылар, улуус атын оскуолаларын үөрэнээччилэригэр үтүө холобур буолан ыраах сиргэ сүүрүүгэ кыттыбыттарын иһин махталларын эттилэр.