«Баар ыарахаттары аахсыбакка, бюджет эйгэтин үлэһиттэрин хамнаһын үрдэтии концепциятын олоххо киллэрии биһиги сүрүн сорукпутунан буолар. 2018 сылга бюджет эйгэтин үлэһиттэрин дохуота 70 бырыһыан үрдүөхтээх. Быйыл итиннэ 60 млрд солкуобай, республика дохуотун 80 бырыһыана, көрүллүбүтэ», - диэтэ Егор Борисов.

Ол эрээри инникитин бюджет дохуота кыччыыр чинчилээх, диэн эбэн эттэ Саха сирин Аҕа баһылыга, оттон ону бэйэ дохуотун улаатыннарыынан эрэ толуйар кыахтаахпыт. Онон эбии ис кыахтары булар инниттэн билиҥҥиттэн социальнай-экономическай политика ис хоһоонун саҥардарбыт ирдэнэр.

Хас биирдии дьоҕус уонна бөдөҥ производство хааһынаҕа дохуоту киллэриини улаатыннарар, хас биирдии үлэ миэстэтэ — бу дьон дьарыктаах, хамнастаах буолуута. Аҕыйах сылынан республикаҕа хайаны хостуур промышленность саҥа салаалара баар буолуохтара.