- Нэһилиэккэ түөлбэлэринэн теннискэ, дуобакка, саахымакка, ытыыга, волейболга, баскетболга, хаамыскаҕа, хабылыкка, киирэҕэ күрэхтэстилэр. Ол кэннэ, түөрт түөлбэ кыттыһан Культура уонна спорт улуустааҕы эстафетатын бастакы туурун саҕалаан, улахан концерт туруорда. Киирбит үп бастакы группалаах инбэлиит, эстафета быыстапкатын хас да төгүллээх лауреата, дипломана Мотрена Николаевна Скрябина эмтэнэ барарыгар көмө быһыытынан ананна. Концерт түмүгүнэн, лауреаттар, дипломаннар ааттаннылар.
- Культура сылын түмүктүүр улахан тэрээһининэн П.А.Ойуунускай аатынан Саха академическай театра Софья Сергучева-Баранова "Уол Куолакал" диэн дириҥис хоһоонноох спектаклын көрдөрүүтэ буолла. Олохтоохтор билэр биир дойдулаахтарбыт уобарастарын уйадыйа, махтана көрдүбүт. Бу спектаклы театр артыыстара буор босхо көрдөрөн бардылар, элбэх дьон-сэргэ махталын ыллылар.
- Биир дойдулаахпытыгар Софья Барановаҕа, кини талааныгар сүгүрүйэн, нэһилиэк үрдүкү билиниитин - "Ходоро нэһилиэгин бочуоттаах гражданина" ааты иҥэрии үөрүүлээх түгэнэ дохсун ытыс тыаһынан доҕуһуолланна.
- Нэһилиэкпит улууска ыытыллыбыт Олоҕу-дьаһаҕы тупсарыныы сылыгар бастакы миэстэҕэ тахсан, элбэх анал аакка тигистибит.
- Онон Чүүйэ дьоно-сэргэтэ үгүс ситиһиилээх сылбытын атааран, саҥа сылга үөрэ-көтө үктэннибит.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети