Статистика көрдөрөрүнэн, АИ-95 бензин сыаната Анадырьга саамай муҥутуур үрдүк кирбиигэ тиийбит. Ол курдук, манна 1 лиитэрэ бензин 54 солк. тэҥнэһэр. Уһук Илин регионнарыгар: Магадаҥҥа - 47,13 солк., Дьокуускайга - 45,07солк., Соҕуруу Сахалиҥҥа - 43,92 солк., Петропавловскай-Камчатскайга - 42,35 солк.

Саамай чэпчэки сыана Барнаулга бэлиэтэммит. Манна 1 лиитэрэ бензин сыаната - 32,13 солк., Кемеровоҕа - 32,25 солк., Томскайга - 32,73 солк., Новосибирскайга - 32,74 солк. уонна  Ярославль куоракка  32,91солк.

2014 сыл ахсынньы 29 күнүттэн 2015 сыл тохсунньу 19 күнүгэр диэри Россияҕа бензин орто сыаната 7 харчынан үрдээбит.