Былатыан Ойуунускай «Кыһыл ойуун» айымньытынан СӨ искусствотын деятелэ Карл Сергучев туруорбут испиктээкилэ көрөөччү сэҥээриитин ылбыта. Норуоттар икки ардыларынааҕы фестивальга лауреатынан буолбута. Оруоллары Федот Львов, Дьулустан Семенов, Мария Данилова, Юрий Афанасьев, уо.д.а. толороллор .

РФ культуратын үтүөлээх артыыһа, норуот артыыһа, тыйаатыр уус-уран салайааччыта Алексей Павлов Суорун Омоллоон «Чороон - дьол иһитэ» испиктээкилин оҕолого анаан туруорбута.

Оскуола иннинээҕи уонна алын сүһүөх кылаас оҕолоругар анаммыт «Күн бытархайа» фестиваль быйыл үһүс сылын улуустарга ыытыллар. Үүнэр көлүөнэ тыйаатыра фестиваль кыайыылаахтарыгар бэлэхтэри бэлэмниирин туһунан тыйаатыр пресс-сулууспата иһитиннэрэр.