Кини саалаҕа саннын нөҥүө "Мисс Вертикаль» лиэнтэлээх, тупсаҕай оҥоһуулаах баттахтаах, олус чэгиэн, олоххо эрэллээх, сырдык мичээрдээх уонна үөрүү-көтүү көтөллөөх, кэлээскэҕэ олорон саалаҕа киирдэ. Бэйэтэ көннөрү баарынан да, холобурунан да, Ксения кырдьык, дьону кынаттыыр. Кини 2012 сыллаахха Италияҕа ыытыллыбыт «Вертикаль» («Кэлээскэлээхтэр ортолоругар аан дойду Мисс кэрэ кыыһа») аан дойдутааҕы кэрэлэр конкурстарын «Всемирная королева красоты» титулун хаһаайката. Төгүрүк сыл устата Ксения дойду араас куораттарыгар сылдьан общественнай үлэни ыыппыта, бэйэтин араас көҕүлээһиннэрин тэниппитэ. Ити туһунан бүгүн Ксения журналистарга пресс-конференцияҕа кэпсээтэ.

Кини көҕүлээһиниттэн биирдэрэ — тоҕоостоох сөтүөлүүр сирдэр. Бастакы кыайыытын Пхукетка билбитэ, онно Най Харн сөтүөлүүр сиргэ доруобуйаларынан хаарчахтаах дьон Тайлаҥҥа сынньалаҥнарын, эмтэниилэрин уона чөлүгэр түһэллэрин ситиспитэ. «Кэлээскэлээх дьон биир эмтэнэр көрүҥнэрэ — сөтүөлээһин. - кэпсиир Ксения. - онон сөтүөлүүр сир тоҕоостоох буолара олус суолталаах. Миигин Дьокуускай аэропордугар олус сылаастык көрүстүлэр. Онно идэлэрин баһылаабыт дьон үлэлииллэр, барыта наһаа табыгастаах уонна тупсаҕай. Олус астынным».

Манна кэлиитин чэрчитинэн Ксения Дьокуускай хаарчаҕа суох эйгэни сайыннарарыгар аудит ыытыахтаах. Кини аэропорте уонна мэрия дьиэтин туһунан номнуо үчүгэй санаалаах. Манна диэн этэххэ, Дьокуускайга билигин 13800 инбэлиит олорор, олортон 800-тэрэ кэлээскэлээхтэр.

Дьокуускайга Ксения бээтинсэҕэ, ахсынньы 6 күкүгэр диэри сылдьыаҕа, инбэлииттэр декадаларыгар кыттыа. Бүгүн кини куорат баһылыгын кытта көрүстэ. Билигин Ксения бэйэтэ кыттыбыт аан дойдутааҕы кэрэ куолар конкурстарын курдук бырайыагы бэлэмнии сылдьар.

"Мин дьахталларга аналлаах тэрээһиннэри төһө кыалларынан элбэҕи ыытары туруорсабын. Үгүстэр олохторо итинэн бүтэр. Манныкка түбэспит дьахтар баттаҕын да оҥосторо — кыайыы, оттон кэлээскэнэн сценаҕа тахсыы — ураты дьикти», - диир кини.

Ксения Безуглова мэргэ регионнааҕы конкурс ыытарга, онно кыайбыт кыыс 2014 сыл ахсынньытыгар Москваҕа финалга кыттыаҕа. «Кыргыттар Москваҕа нэдиэлэ сылдьыахтара, ол араас көрсүһүүлэринэн толору буолуоҕа. Биһиги конкурспут көннөрү сценаҕа киирэн эргийии эрэ буолбатах. Манна реабилитационнай кииҥҥэ сылдьыы, оҕо дьиэлэригэр көрсүһүүлэр, ону таһынан аһымал аукцион ыытыллыахтара. Хас биирдии кыыс ханнык баҕарар национальнай сувенир аҕалыа, ону аукциоҥҥа атыылыахпыт. Ону таһынан национальнай көстүүмнэри көрдөрүү буолуоҕа», - Ксения бэйэтин бырайыагын туһунан үлүһүйэн туран кэпсиир. Мэрияҕа итинник конкурс Дьокуускайга аныгыскы сылга ыытыллыа диэн эрэннэрдилэр.