«Федеральнай суолталаах суоллары тутууга уонна саҥардан оҥорууга ананар үбү 40 млрд.солкуобайынан, ол эбэтэр 25 % кыччатар туһунан быһаарыы ылылынна», – диэн Госдума тырааныспарга кэмитиэтин бэрэссэдээтэлин солбуйааччы Сергей Тен эппитин «Коммерсантъ» тиэрдэр. Оттон Росавтодор үлэһиттэрэ чопчу сыыппараны этэр билиҥҥитэ эрдэтин бэлиэтииллэр.

Росавтодор салайааччыта Роман Старовойт 2014 сыл бүтүүтэ үбүлээһини  кыччаппыттарын түмүгэр 2015 сылга былааннаммыт тутуулары тохтоппуттар.  Хапытаалынай өрөмүөҥҥэ уонна суолу көрүүгэ-истиигэ анаммыт үп сарбыллыбат, оннунан хаалар.

Үбүлээһини 25%  кыччатыы  суолу тутууга улахан охсуу буоларын, ити түмүгэр уонунан тыһыынча киһи үлэтэ суох хаалар кутталлааҕын туһунан суолу тутуу научнай-чинчийэр тэрилтэлэрин ассоциацияларын президенэ Олег Скворцов этэр.

Крымҥа Керченскэйдээҕи хомоҕо муостаны тутарга үтүмэн үп ороскуоттаныахтааҕын Росавтодор тэрилтэ салайааччытын солбуйааччы Игорь Астахов ойуччу тутан бэлиэтээбит. Ити муостаны тутуу сыаната 228 млрд солк.