Оттон үгүстэр барытыгар бэйэлэрин хаарчахтыыр, саамай наадалаахха да кичимэҕэлииргэ күһэллэллэр. Статистика официальнай дааннайдарынан, Миирининэй оройуонун территориятыгар үүккэ, бурдукка, кууруссаҕа сыана сыл саҕаланыытыттан 5-12 %-нан үрдээбит. Ону сэргэ куруппаларга сыана ортотунан 15%-нан намтаабыт.

Нэһилиэнньэ социальнай өттүнэн харысхала суох араҥатыгар көмөлөһөр сыалтан, Саха сирин территориятыгар социальнай суолталаах астарга атыылыыр эбилик кээмэйэ муҥутуурдук хаарчахтаммыта. Атыннык эттэххэ, табаары атыылаһыы уонна батарыы араастаһыыта быһаарыллыбыт кээмэйи таһымныа суохтаах. Ити астар испииһэктэрин оройуоннар администрациялара бэйэлэрэ бигэргэтэллэр.

Ити дьаһалы кытаанахтык хонтуруоллуур сыалтан оройуон администрациятын специалистара атыы-эргиэн миэстэлэрин куруут бэрэбиэркэлииллэр. 2012 сыллаахха сыананы оҥоруу бэрээдэгин кэһээччилэр 210 тыһыынча солкуобайга ыстарааптаммыттара. 2013 сыл саҕаланыаҕыттан 35 эбийиэктэри бэрэбиэркэлээтилэр, олортон 15 кэһиини буллулар. Оройуон администрацията туһанааччылар интэриэстэрин көмүскүүргэ көнө хайысхалаах үлэни ыытар.