Волейболга, атах оонньуутугар, мас тардыһыытыгар, остуол тенниһигэр уонна хапсаҕайга – үс күннээх киирсии түмүгэр хамаандалар уопсай очукуоларыгар олоҕуран Муома оройуонун бастакы хамаандата кыайыылаах таҕыста. Иккиһи - Абый оройуона, үһүс бочуоттаах миэстэни Аллайыаха оройуона ыллылар.

Спорт көрүҥнэринэн бардахха, волейболга:

Дьахталларга 1 м. – Абый; 2 м. – Муома-1; 3 м. – Аллайыаха.

Эр дьоҥҥо 1 м. – Муома-1; 2 м. – Өймөкөөн; 3 м. – Абый.

Атах ооньуутугар:

1 м. – Аллайыаха, 2 м. – Муома-1, 3 м. – Абый.

Троеборьеҕа Аллайыахаттан сылдьар В. Черемкин, кыргыттарга Муома кыыһа А. Шадрина бастаатылар. Эр дьоҥҥо Абый спортсмена Петр Бабиченко кыайыылаах таҕыста.

Мас тардыһыытыгар 13 ыйааһыҥҥа 76 киһи кыттыыны ылла. Манна хамаанданан түмүккэ 1 м. – Муома-1, 2 м. – Абый, 3 м. Аллайыаха буоллулар. Абсолютнай күрэхтэһиигэ Абый мадьыныта Тимофей Томскай бастаата.

Остуол тенниһигэр:

дьахталларга 1 м. – Аллайыаха; 2 м. – Муома-1; 3 м. – Муома-2.

эр дьоҥҥо: 1 м. – Муома-1; 2 м. – Аллайыаха; 3 м. – Абый.

Өймөкөөн теннисиһэ В. Петряков абсолютнай күрэхтэһии кыайыылааҕынан буолла.

Хапсаҕайга биэс ыйааһыҥҥа 54 бөҕөс туһунна. Хамаанданан ааҕыыга Абый оройуона бастаата. Иккис-үһүс миэстэлэри Муома икки хамаандата ылла.

Абсолютнайга хапсыһыыга 10 киһи кытынна. Манна Абыйтан Александр Новиков кыайыы өрөгөйүн биллэ.

Муомаҕа кэлбит спортсменнар уонна ыалдьыттар күрэхтэһии тэрээһинэ үчүгэйин бэлиэтээтилэр. Абый, Аллайыаха, Өймөкөөн, Муома баһылыктара М.Г. Никулин, Э.И. Слепцов, М.М. Захаров, П.Н. Черемкин уонна Усуйаана оройуонун депутаттарын Сэбиэтин председателэ А.Н. Болтунов эһиил 2016 с. "Индигир Кубога" күрэхтэһиини Тымныы полюһугар - Өймөкөөн оройуонугар ыытарга быһаарыы ылыннылар.