- “Индигир Кубога” республика таһымыгар таҕыста, далааһыннанна. Спартакиадаҕа биэс улуус: Абый, Муома, Аллайыаха, Өймөкөөн, Дьааҥы кытталлар. Кыттааччылар волейболга, хапсаҕайга, мас тардыһыытыгар, остуол тенниһигэр, атах оонньууларыгар күрэхтэһиэхтэрэ.
- Кулун тутар 24 күнүгэр улуус дьаһалтатыгар Абый хамаандатын атаарыы буолла.
- Тэрээһиҥҥэ СР үтүөлээх учуутала, хайыһарга спорт маастарыгар кандидат, Халыма-Индигир уокуругун хайыһарга хас да төгүллээх чемпиона Владимир Неустроев тыл эттэ, ситиһиилэри баҕарда. Ытык кырдьаҕас Матрена Константиновна Чиркова хас биирдии спортсмены алҕаан ыраастаата.
- - Абый диэн тыл бастакы буукубалара алфавикка бастакынан тураллар. Онон Абыйбытын инники күөҥҥэ таһаарыахтааххыт, - диэтэ Владимир Неустроев сүүмэрдэммит хамаанда чилиэннэригэр туһаайан. - Пъедестал үрдүкү үктэлигэр турар инниттэн туох баар кыаххытын биэрэн күрэхтэһиҥ! Абыйгытын түһэн биэримэҥ!
- Быйылгы курдук улахан үбүлүөйдээх сылга: Кыайыы 70, улуус төрүттэммитэ 85 сылларыгар умнуллубат бэлэхтэ оҥоруҥ. Барыта бэйэҕититтэн тутулуктаах. Кыайыыга дьулуһуҥ!
- Галина Шкулева, тэрийэр кэмитиэт чилиэнэ:
- - Спартакиада сыл аайы ыытыллара улуустарга сэргэхсийиини таһаарар. Хоту дойдуга да кыахтаах спортсменнар бааллар. Ол гынан баран айан төлөбүрэ ыараханыттан Дьокуускай диэки маннык элбэх буолан барар кыахпыт суох. Онон чугас сытар хоту улуустар маннык спартакиадалар олус наадалаах. Оҕолорго сылын аайы "Арктика Кубогын", оттон "Индигир Кубогын" икки сылга биирдэ ыытыахха баара. Оҕолорбут күүскэ бэлэмнэннэхтэринэ, үрдүк ситиһиилэр да баар буолуохтара.
- Петр Стручков, Абый улууһун хамаандатын капитана:
- - Маннык тэрээһиннэр ыытыллаллара ордук ыччакка наадалаах. Үлэ, олох-дьаһах уопутун хардарыта атастаһарга туһалаах.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети