- Сааскы күлүмнэс күннэр туран биэрэн, бырааһынньыктыы киэргэтиллибит, сүүрэргэ анаан күөл тула хаара күрдьүллүбүт трассаҕа элбэх көрөөччү муһунна. Ньурба уонна хас да чугастааҕы нэһилиэктэр спортсменнара күрэстэһэргэ ох курдук оҥостон кэлбиттэр. Сүрүн тэрийээччи - «Бичик» кинигэ кыһатын дириэктэрэ Август Егоров тыл этэригэр тымныы, тыаллаах диэн толлубатах спорсменнарга махтанна уонна ким үчүгэй бэлэмнээх, кыайыыга дьулуурдаах кыайарыгар баҕарда.
- Сэрэйиллибитин курдук, Хатыы орто оскуолатын үөрэнээччилэрэ бастакы сүүрүүттэн инники күөҥҥэ сырыттылар. Ол курдук, Анжела Маргарян, Ваня Николаев, Кэскил Николаев биэтэккэ бастакынан кэллилэр.
- Олохтоохтор биэс биэрэстэҕэ сырсыыга уон алта саастаах Кэскил Николаевка «Кэскил!» диэн хаһыытаһан күүскэ ыарыйдылар, эдэр сүүрүктэрэ кыайарыгар бүк эрэнэллэрин биллэрдилэр. Чэпчэкитик көтө-дайа сүүрэр уол кинилэр эрэллэрин түһэн биэрбэтэ, эрэллээхтик бастаата.
- Саамай сындалҕаннаах, ыарахан дистанцияҕа – 25 биэрэстэҕэ баара-суоҕа түөр спортсмен кыттарга баҕатын биллэрдэ. Манна уһун дистантанцияларга сүүрүүгэ Ньурба улууһугар тэҥнээҕин билбэтэх, спорт маастарын нуорматын соторутааҕыта толорбут Евгений Васильев кыайарыгар ким да саарбахтаабат этэ. Ол да буоллар олохтоохтор эдэр сүүрүк Кэскил Николаев баҕар илин-кэлин түсүһүө дии санаабыттара. Ол эрээри аатырбыт, уопуттаах сүүрүк эдэр сырсааччытын икки эргииринэн куотан кыайбытыгар ким да хомойбото. Сүүрбэ биэс биэрэстэни толору сүүрэн иккис миэстэлэммит Кэскил сиһин этэ ситтэҕинэ, буутун этэ бустаҕына быһый бэрдэ буолуоҕар бүк эрэннилэр быһыылаах. Сорох сырсааччылар кыайан түмүктээбэккэ туораатылар. Сүүрүү спорт чэпчэки буолбакка, ыарахан көрүҥэ буоларын, ким кыахтаах, үчүгэй бэлэмнээх эрэ кыайыы өрөгөйүгэр тиксэрин эттэринэн-хааннарынан биллилэр.
- Кыайбыт-хоппут, бириистээх миэстэлэргэ тиксибит спортсменнар сыаналаах бириистэринэн, мэтээллэринэн уонна дипломнарынан бэлиэтэнэн үөрдүлэр-көттүлэр. Маннык сүүрүүгэ сааскы күрэхтэһиилэр чөл олоҕу пропагандалыырга төһүү күүс буоларыгар ким да саарбахтаабат.
- Василий Иванович Егоров- Буулдьа Баһылай бирииһигэр
- уһун сиргэ сүүрүүгэ күрэхтэһии кыайыылаахтара
- Кыргыттарга (2000-2001 с.т.) 2 биэрэстэҕэ
- 1. Маргарян Анжела – 9 мүн.21 сөк.
- 2. Колокорова Света – 9 мүн. 33 сөк.
- 3. Васильева Ньургуйаана – 9 мүн. 39 сөк.
- Уолаттарга (2000-2001 с.т.) 3 биэрэстэҕэ
- 1. Николаев Ваня – 12 мүн. 08 сөк.
- 2. Шарин Айсен – 12 мүн. 42 сөк.
- 3. Иванов Эрчимэн – 13 мүн. 19 сөк.
- Кыргыттарга (1997-1999 с.т.) 3 биэрэстэҕэ
- 1. Ефремова Люба – 17 мүн. 18 сөк.
- 2. Дмиртиева Шура – 17 мүн. 25 сөк.
- 3. Николаева Сардаана – 19 мүн. 00 сөк.
- Уолаттарга (1997-1999 с.т.) 5 биэрэстэҕэ
- 1. Николаев Кэскил – 18 мүн. 42 сөк.
- 2. Тыасытов Алеша – 20 мүн. 54 сөк.
- 3. Николаев Айтал – 23 мүн. 38 сөк.
- Дьахталларга 3 биэрэстэҕэ
- 1. Николаева Розалия – 16 мүн. 16 сөк.
- 2. Иванова Алена – 17 мүн. 03 сөк.
- 3. Николаева Елена – 17 мүн. 46 сөк.
- Эр дьоҥҥо 5 биэрэстэҕэ
- 1.Васильев Евгений – 18 мүн. 22 сөк.
- 2. Николаев Леонид – 24 мүн. 24 сөк.
- 3. Анисимов Григорий – 24 мүн. 25 сөк.
- 25 биэрэстэҕэ сырсыыга
- 1.Васильев Евгений – 1 чаас 55 мүн. 39 сөк.
- 2. Николаев Кэскил – 2 чаас 14 мүн. 10 сөк.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети