Сэрии 1548 бэтэрээнэ диспансер учуотугар турар. Кулун тутар 31 күнүттэн 546 бэтэрээн (учуокка турааччылартан 35,3% ) биир кэлим медицинскэй чинчийиинэн хабылынна.

Бэтэрээннэр уонна кинилэргэ тэҥнээх дьон поликлиникалар күнүскү стационардарыгар уонна дьиэтээҕи стационардарга доруобуйаларын көрдөрүннүлэр. 17 бэтэрээн санаторийга эмтэннэ. 546 бэтэрээн доруобуйатын дьиэтигэр кэлэн бэрэбиэркэлээтилэр.

Быраастар ыйыыларынан электрокардиография, уопсай анализтар, ультразвуковой чинчийиилэр оҥоһулуннулар. «Узкай» идэлээх быраастар 1246 киһиэхэ дьиэлэригэр сылдьан сүбэ-ама биэрдилэр. Ол курдук, кардиолог сүбэтигэр – 175, хирурга – 34, эндокринолокка – 104, окулиска – 388, неврологка – 101, отоларингологка – 370, урологка 55, гинекологка 120 киһи наадыйда.

Аҕа дойду Улуу сэриитигэр Кыайыы бырааһынньыгар анаммыт «Биһиги Улуу кыайыы утумнааччыларабыт» диэн ыам ыйын 30 күнүгэр диэри ыытыллар дьаһаллар чэрчилэринэн аһаҕас аан күннэрэ тэриллиэхтэрэ.

Ол курдук, куорат балыыһаларыгар 55 бэтэрээн киирэн эмтэннэ. Эми-тому атыылаһарга федеральнай чэпчэтиинэн туһанааччыларга 730 рецепт (ортотунан 612,5 солк суумалаах), регионнааҕы чэпчэтиилээхтэргэ 1927 рецепт, (707,3 солк суумалаах) рецепт бэрилиннэ.