- Соторутааҕыта Кэбээйи улууһун түмсүүтүн тэрийиитинэн «Тыыннаахтар умнубат сыллара» диэн ааттаах Дьокуускай куоракка олорор биир дойдулаах сэрии уонна тыыл бэтэрээннэрин эҕэрдэлиир дьоро киэһэ буолла. Киин куоракка Кэбээйиттэн төрүттээх 56 тыыл бэтэрээнэ олорор. Тэрээһиҥҥэ сэриини эттэринэн-хааннарынан билбит, хорсуннук сэриилэспит, Кыайыыны уһансыбыт киэн туттар дьоммут Аргунов Николай Николаевич, Гаврильев Прокопий Петрович, Константинов Михаил Григорьевич, Сметанин Иван Дмитриевич, Кычкин Иннокентий Николаевич кэлэн ыалдьыттаатылар.
- Эҕэрдэ кэнсиэри Кэбээйи улууһун эдэр ыччатын «Дабаан» түмсүүтүн салайааччы Ася Спиридонова уонна Саха театрын артыыһа Дмитрий Татаринов иилээн-саҕалаан ыыттылар. Хомусчут-импровизатор Алгыс Павлов, ырыаһыттар Иннокентий Азаров, Геннадий Иванов, Константин Степанов, Роман Степанов, Николай Спиридонов, Владимир Сердюк кэлэн ыллаан-туойан дьоро киэһэни киэргэттилэр. Улууспут аҕа баһылыга Игнатий Николаевич Спиридонов бэтэрээннэргэ истиҥ эҕэрдэтин тиэртэ уонна сэмэй бэлэхтэри туттарда.
- Ону тэнэ, биир дойдулаахтарбыт СӨ ОДьКХ уонна энергетика миниистирин 1 солбуйааччы Г.П.Левин, “Саха-кард”ХЭУо дириэктэрэ, Ыччат парламенын бэрэссэдээтэлэР.Д.Михайлов, үлэ уонна социальнай көмүскэл миниистирин солбуйааччыО.А.Винокурова, Кэбээйи түмсүү салайааччыта, ППФ страховой компания Саха сиринээҕи салаатын дириэктэрэ М.В.Заболоцкая, Ил Түмэн депутата Ноговицын А.А. көмөлөһөөччүтэ Д.В.Никифоров, Дьокуускайга Кэбээйи улууһун бэрэстэбиитэлэСтепан Ноговицын ытык кырдьаҕастары эҕэрдэлээтилэр, сэмэй бэлэхтэрин туттардылар.
- Маргарита Заболоцкая, Кэбээйи улууһун түмсүүтүн салайааччыта:
- - Бүгүн сүрдээх үчүгэй көрсүһүү буолан ааста. Элбэх сэрии уонна тыыл бэтэрээннэрэ кэлэн дуоһуйа сынньанан бардылар. Сорохтор кыайан кэлбэтилэр. Бүгүн манна кэлэн кыттыыны ылбыт биир дойдулаахтарбытыгар дириҥ махталбытын тиэрдэбит. Ытык кырдьаҕастарбытыгар өссө төгүл баҕарыа этибит ыраас халлааны, эйэлээх олоҕу, кытаанах доруобуйаны. Эһиил көрсүөххэ диэри!
- Ася Спиридонова,
- СӨ Урбаан дьыалаларыгар уонна туризм сайдыытыгар министиэристибэтин үлэһитэ, Ил Түмэн иһинэн ыччат парламенын пресс-киинин салайааччыта, Кэбээйи эдэр ыччатын «Дабаан» түмсүүтүн салайааччы
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети