- Күрэхтэһии кылаабынай судьуйата, чэпчэки атлетикаҕа сахалартан бастакы ССРС спордун маастара Артур Феофанов күрэхтэһии туһунан билиһиннэрдэ:
- - Үгүс биллэр спортсменнарбыт - Кузьма Татаринов, Наталья Леонтьева, Сардаана Трофимова Эркээни бирииһигэр күрэхтэһииттэн кынат үүннэринэн салгыы улахан ситиһиилэммиттэрэ.
- Быйылгыттан Гаврил Нохтунскай көҕүлээһининэн марафон Кубога ыытыллар буолла. Ол бастакы этаба - 15 км - Покровскайга, иккис этаба - 21 км - Намҥа бэс ыйын 26 күнүгэр ыытыллыаҕа, Бүтэһик, үһүс этап - 6 км - «Нация кроһугар» балаҕан ыйыгар Дьокуускайга буолуоҕа. Барыта - 42 км 195 м - марафон дистанцията буолан тахсар. Маннык дистанцияларга ыччаттар хото кытталлар, улахан марафоҥҥа бэлэмнэнэллэр.
- Сардаана Трофимова туһунан этэр буоллахха, кини классическай марафоҥҥа сахалартан бастакынан норуоттар икки ардыларынааҕы кылаастаах спорт маастара буолла. Бары билэргит курдук, Францияҕа норуоттар икки ардыларынааҕы күрэхтэһиигэ тиийэн бастаабыта. Онно марафону 2 чаас 28 мүн түмүктээн улахан ситиһиилэммитэ. Бу бириэмэтинэн Сардаана Трофимова Олимпийскай оонньууларга кыттар Россия сүүмэрдэммит хамаандатыгар кандидатынан киирбитэ, - диэн Артур Егорович киэн тутта кэпсээтэ.
- Оҕолор 500 м уһуннаах дистанцияҕа сырсыыларыгар уолаттарга Саша Винокуров (Дьокуускай) бастаата. Бу дистанцияҕа кыргыттарга Дьокуускай 4 №-дээх оҕо спортивнай оскуолатын иитиллээччитэ Анна Гоголева тэҥнээҕин булбата. 1000 м уолаттарга Сережа Летунов, кыргыттарга Селена Иванова, 2000 м - уолаттарга П.Драгунов, (бары Дьокуускайтан) кыргыттарга Айта Трофимова (Нам) биэтэккэ бастакынан кэлэн кыайыы үөрүүтүн биллилэр.
- Улууспутуттан уолаттарга 5 км Саша Абрамов (Мохсоҕоллоох) үһүс, 15 км. 30-34 саастаахтарга Вячеслав Громов бастакы, 5 км 60-64 саастаахтарга Георгий Самсонов биэс киһиттэн иккис, 65-69 саастаахтарга Аркадий Андреев Өктөмтөн иккис, 70-75 саастаахтарга 3 км. Анатолий Харлампьев бастакы миэстэҕэ тахсары ситистилэр.
- Оттон 85 саастаах Тихон Прокопьев 75 саастарыттан үөһэ сүүрүктэргэ үһүс бириистээх миэстэҕэ тигистэ. Дьахталларга биир дойдулаахтарбыт135-39 саастаахтарга 10 км Надежда Петрова, 60 үөһэ саастаахтарга 3 км Мария Васильева иккис миэстэлэри ыланнар дьоһун ситиһиилэннилэр.
- Ити курдук, сайыҥҥы сүүрүү сезона саҕаланна.\
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети