Күрэхтэһиигэ уон оскуолаттан улуус чиэһин спорт араас көрүҥнэригэр республика түһүлгэлэригэр дорҕоонноохтук көмүскээбит 39 спортсмен кытынна.

Владимир Поскачин, Үөһээ Бүлүү улууһун баһылыга:

- Икки күннээх тыҥааһыннаах киирсии түмүгүнэн муҥутуур кыайыылааҕы быһаарар түһүмэххэ аҕыс уол таҕыста. Кинилэртэн түөртэрэ Хоро оскуолатын тренерэ, спорт эйгэтигэр 40-ча сыл кэриҥэ үлэлээбит Савва Васильев дьарыктыыр оҕолоро.

Түмүккэ үс көрүҥҥэ чахчы чаҕылхайын көрдөрөн Хоро оскуолатын 10 кылааһын үөрэнээччитэ, Россияҕа мас тардыһыытыгар үһүс миэстэлээх Артур Янков кыайыылааҕынан тахсан, сүрүн бириис - «Минскэй» мотоцикл хаһаайынынан буолла. Бэһис төгүлүн ыытыллыбыт күрэхтэһииттэн хоролор бу үһүс мотоциклларын илдьэ бардылар.

Тэрийээччилэр эһиилгэттэн тэрээһин таһымын үрдэтэр инниттэн, бастаан нэһилиэктэринэн ыытар, онно күүстээхтэри сүүмэрдээн түмүк күрэхтэһиигэ кытыннарар баҕалаахтар.