Спортиҥҥа барыта 23 бэргэн ытааччы күрэс былдьаста. Түмүккэ уонтан аҕыһын табан республика, улуус күрэхтэһиилэрин чемпиона Сивцев Николай бастаата, киниттэн биир очукуонан хаалан Заболоцкай Семен иккис, Яковлев Иван үһүс буоллулар.

Кыра калибрдаах саанан ытыыга 20 очукуону ылан Собакин Андрей бастакы, 16 очколаах Петухов Прокопий иккис уонна 15 очукуолаах Артамонов Сергей үһүс миэстэлэри ыллылар.

Улахан калибрдаах саанан ытыыга 16 кыттааччыттан 27 очукуону ылан Павлов Станислав бастаата, 22 очукуолаах Румянцев Иван - иккис, 18 очукуолаах Суздалов Дмитрий үһүс буоллулар.

Буулдьанан ытыыга Соловьев Дмитрий 20 очукуону ылан кыайыыны сурунна.

Күрэхтэһии кылаабынай судьуйатынан С.И. Эверстов үлэлээтэ.

Мантан антах халлаан сылыйан, куспут чугаһаан ытыыга күрэхтэһии элбиэҕэ. Онон кыраҕы харахтаах бэргэн ытааччылар сааларын сууйан-сотон, докумуоннарын эрдэттэн бэрээдэктээн, бэлэм сылдьаллар.