Күрэхтэһиигэ Иһит, Тумул, Сиинэ, Тиит Арыы уонна Үөдэй оскуолаларын үөрэнээччилэрэ күөн көрүстүлэр. Оҕолор эбиэккэ диэри хапсаҕайдаһан хачымахтастылар. Бүдүрүйбэт сүһүөхтээх, умса тартахха туруйалаабат, тиэрэ астахха чугуруйбат уолаттар бааллара көһүннэ. Хамаанданан киирсии буолан, эппиэтинэс улахан этэ. Инньэ гынан, хардарыта хотуһуулаах тэҥ тустууга Сиинэ оскуолатын оҕолоро бастаатылар, иккиһи Үөдэй хапсаҕайдьыттара ылан ийэлэрин-аҕаларын үөртүлэр, оттон үһүс бириистээх миэстэҕэ Иһит оскуолатын чулуулара тигистилэр.
- Күнүстэн киэһэ эдэр мадьынылар мас тардыһан лачыгыратыстылар, иэмэх мастыы эристилэр. Бу көрүҥҥэ ордук бэлэмнээх Тумул оскуолатын оҕолоро кыайыы өрөгөйүн биллилэр. Иккис миэстэҕэ Үөдэй спортсменнара, Иһит эдэр мадьынылара пьедестал үһүс үктэлигэр таҕыстылар. Уопсай түмүккэ Үөдэй оҕолоро бастааһыннара, олимпиец Леонид Спиридонов илиититтэн кубок ылыылара бүтүн нэһилиэк үөрүүтүнэн буолла. Тумуллар уонна сиинэлэр бириистэхх миэстэлэргэ таҕыстылар.
- Күрэхтэһии быыһыгар «Истоки» кииҥҥэ «Хаҥалас улууһун уһук биэс нэһилиэгэр спорт сайдыытын тосхоло» диэн тиэмэҕэ «төгүрүк остуолу» Киин дириэктэрэ Г.С.Макарова иилээн-саҕалаан ыытта. Кэпсэтиигэ уопсастыбаннай тренердэр үлэлэрин ырытыстылар. Манна Үөдэй оскуолатыгар социальнай педагогунан үлэлиир, оҕолору хапсаҕайга эрчийэр тренер Леонид Маслацов үлэтэ сэҥээриини ылла.
- Күрэхтэһии тэрээһинигэр нэһилиэк олохтоохторо түмсүүлээхтик кыттыбыттарын, номинацияларынан анал бириистэри туруорбуттарын бэлиэтиэххэ сөп.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети