Ол курдук манна Г.И. Чиряев бюһугар, кини ытык аатыгар, өлбөөдүйбэт үтүө өйдөбүлүгэр махтал бэлиэтин - гирлянда, тыыннаах сибэккилэри ууруу, улууспут дьаһалтата, Бүлүү улууһун общественноһа, Дьокуускай куораттан, ыаллыы сытар Үөһээ Бүлүү улууһуттан ыҥырыылаах ыалдьыттар, Кыадаҥда, Чочу нэһилиэктэрин олохтоохторо кыттыылаах миитин ыытылынна.
- Миитиҥҥэ "Бүлүү улууһа (оройуона)" МО дьаһалтатын баһылыга С.Н. Винокуров, Компартия республикатааҕы комитетын I сэкирэтээрэ, СР Государственнай мунньаҕын (Ил Түмэн) председателин солбуйааччы В.Н. Губарев, Үөһээ Бүлүү улууһуттан Г.И. Чиряевы кытта бииргэ үлэлээн алтыспыт, 85 саастаах ытык кырдьаҕас У.Т. Тимофеева, Кыадаҥда ытык кырдьаҕаһа, Чочу нэһилиэгин, Бүлүү улууһун бочуоттаах олохтооҕо, үлэ, тыыл бэтэрээнэ, СР тыатын хаһаайыстыбатын бочуоттаах бэтэрээнэ Д.Г. Томскай эҕэрдэ тыл эттилэр, Гавриил Иосифович олорон ааспыт олоҕун, үлэтин-хамнаһын үтүө тылынан ахтан-санаан аастылар.
- Салгыы Г.И. Чиряев төрөөбүтэ 90 сылын бэлиэтиир тэрээһин үөрүүлээх мунньаҕа "Күндэ" Культура киинигэр буолла. Мунньахха тыл эппит кыттааччылар бары Гавриил Иосифович киһи, салайааччы быһыытынан үтүөкэн хаачыстыбаларын, республика кини салайан олорбут кэмигэр бары хайысхаларынан балысханнык сайдыбытын, улахан промышленнай куораттар тэриллибиттэрин, кэнчээри ыччаты кини холобуругар иитии, историяны билэргэ, ытыктыырга үлэ барыахтааҕын туһунан эттилэр.
- "Бүлүү улууһа (оройуона)" МО дьаһалтатын баһылыга С.Н. Винокуров: "Бүлүү куоратыгар республика сайдыытын түстэспит икки киэн туттар чулуу уолаттарбытыгар - Степан Аржаковка уонна Гавриил Чиряевкэ аналлаах, государственнай суолталаах улахан таас музей тутулларын туруорсабыт", - диэн эттэ. "Чочу нэһилиэгэ" МТ дьаһалтатын специалиһа Н.П. Евсеева Г.И. Чиряев аатын үйэтитиигэ үлэлэһэр дьоҥҥо, тэрилтэлэргэ Махтал суруктары туттарда.
- Ити курдук, ССКП обкомун бастакы сэкирэтээринэн 17 сыл кэриҥэ эҥкилэ суох үлэлээбит, Аҕа дойду Улуу сэриитин кыттыылааҕа, киэн туттар биир дойдулаахпыт төрөөбүтэ 90 сыллаах өрөгөйдөөх үбүлүөйүн бэлиэтээһин төрөөбүт дойдутуттан саҕаланна.
- Күнүстэн киэһэ Г.И.Чиряев аатынан Бүлүү 1 №-дээх орто оскуолатын тиэргэнигэр баар Г.И.Чиряев пааматынньыгар миитин буолла. Салгыы «Алгыс» Сынньалаҥ киинигэр уһулуччулаах государственнай, политическай деятель Г.И.Чиряев төрөөбүтэ 90 сылыгар улуус общественноһын үөрүүлээх мунньаҕа ыытылынна.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети