Халлааммыт төһө да былыттаах, тымныы буоллар, оҕо саадын иитиллээччилэриттэн саҕалаан ветераннарга тиийэ бары араас өҥнөөх шариктары, плакаттары, былаахтары, сибэккэлэри тутан бырааһынньыктааҕы парадка кытыннылар

Тэрилтэлэр, оскуолалар, детсадтар колонналара республикабытыгар Улуу Кыайыы 70 сылын, Литература уонна Предпринимательство сылларын ис хоһооннорун көрдөрөр тиэмэлэри арыйдылар. Ол курдук, араас литературнай, байыаннай персонажтары, атрибуттары туттан дьон болҕомтотун тартылар, сэҥээриитин ыллылар

Сылын аайы тэрилтэлэр тэрээһиннэрин Ленскэй нэһилиэк дьаһалтата көрөн бэлиэтиир. Ол курдук, детсадтар бөлөхтөрүгэр „Сулусчаан“ оҕо саада, оскуолалар ортолоругар 2 №-дээх орто оскуола, тэрилтэлэргэ ОДьКХ кыайыылаахтарынан буоллулар. Оттон культура үлэһиттэрин профсоюһа тэрийэр көрүүтүгэр З.П. Винокуров аатынан оҕо искусствотын оскуолата бастаата, иккиһи „Эҥсиэли“ хаһыат редакцията уонна үсүһү Н.М. Рыкунов аатынан киин библиотека коллективтара ыллылар