Улууска СР Социальнай сайдыыга министерствотын сүнньүнэн үлэлиир Уус-Маайатааҕы үлэ уонна нэһилиэнньэ социальнай көмүскэллээх буолуутун управлениетын 20 сылын бэлиэтээтилэр. Үөрүүлээх күн оройуон баһылыгын бастакы солбуйааччы Александр Красиков, Петропавловскайдааҕынациональнайнэһилиэк баһылыгаАлександр Корбан, Уус-Маайа бөһүөлэгин баһылыгын солбуйааччы Дмитрий Томтосов, оройуон социальнай сайдыыга управлениетын начальнига Жанна Константинова үөрүүлээх тэрээһиҥҥэ мустубут ыалдьыттары эҕэрдэлээтилэр. Сүүрбэ сыл устата оройуоҥҥа туох үлэ ыытыллыбытын сырдаттылар, бу эйгэҕэ өр сылларга үрдүк таһаарыылаахтык үлэлээбит бэтэрээннэргэ, билигин үлэлии сылдьааччыларга грамоталары, махтал суруктары, сыаналаах бэлэхтэри туттардылар.
Үлэ уонна нэһилиэнньэ социальнай көмүскэллээх буолуутун улуустааҕы управлениетын начальнига Елена Наумова кэпсииринэн, аҕам саастаахтарга интэриэһинэн түмсүүлэр, кулууптар, бэтэрээннэр сэбиэттэрэ балачча ситиһиилээхтик үлэлииллэр. Үбүлүөйдээх тэрээһиҥҥэ анаммыт “төгүрүк остуолга” мустубут дьон аҕам саастаахтары ыалга ылыы, социальнай көмүскэл үлэтин-хамнаһын, “үһүс көлүөнэ оскуолатын”, кырдьаҕастары компьютерга үөрэтии туһунан боппуруостары көтөхпүттэр. Бэлиэ даатаҕа анаммыт быыстапкаҕа аҕам саастаахтар кыһаллан оҥорбут быысыбайдара, таҥас сыыһыттан көбүөрдэрэ, баайыы таҥас арааһа, оҕуруонан киэргэллэрэ улахан болҕомтону тардыбыттар.
Елена Юрьевна бэлиэтииринэн, кэпсэтиигэ этиллибит туруорсуулар болҕомтоҕо ылыллыбыттар.
Комментарии
Авторизация на сайте через социальные сети