Үөрүүлээх аһыллыыга «ЖилСтройИнвест» МУП директора Станислав Сивцев «Ньургуһун» уһуйаан сэбиэдиссэйигэр Мариана Ченянова5а бэлиэ күлүүһү туттарда.

Күүстээх ытыс тыаһынан Саха сирин президенэ Егор Борисовтан УАЗ-микроавтобуһу атыылаһарга «СР Кэлэр көлүөнэ целевой фондатыттан» сертификат, республикатааҕы үөрэх министерствотыттан - «Антошка» миэбэл-истиэнкэ уонна оройуон баһылыгыттан компьютернай техникаҕа сертификат туттарылыннылар.

Үүнэр көлүөнэни иитиигэ бэриниилэрин, үтүө суобастаах үлэлэрин иһин «Саха Республикатын үөрэҕириитин туйгуна» бэлиэнэн «Ньургуһун» уһуйаан иитээччитэ Антонина Максимова уонна педагогическай үлэ ветерана Ангелина Кычкина, «СР оскуолаҕа киириэн иннинээҕи үөрэтии сайдыытыгар кылаатын иһин» бэлиэнэн педагогическай үлэ ветерана Марфа Гоголева наҕараадаланнылар. Ону таһынан тутааччыларга, оҕо уһуйаанын үлэһиттэригэр уонна ветераннарыгар бочуоттаах грамоталар уонна махтал суруктар туттарылыннылар.